छतबाट खसेर नाबालकको मृत्यु

सांकेतिक तस्बिर

कपिलवस्तु : घरको छतबाट खसेर आइतबार १८ महिने नाबालकको मृत्यु भएको छ । जिल्लाको शिवराज नगरपालिका-५ चन्द्रौटा सहजटोल बस्‍ने वसन्त विकका १८ महिनाका छोरा अभिषेक विक आफ्नै घरको छतबाट खसेर मृत्यु भएको जिल्ला प्रहरी कार्यालय कपिलवस्तुको प्रहरी नायब उपरीक्षक धर्मराज भण्डारीले बताए ।

बुटवलको चौराहा अस्पतालमा उपचारका क्रममा उनको मृत्यु भएको भण्डारीले बताए । शवपरीक्षण गर्ने तयारी भइरहेको प्रहरीले जनाएको छ ।