फिफा विश्वकपः अर्जेन्टिना क्वार्टरफाइनलमा

काठमाडौँ- अर्जेन्टिना कतारमा जारी फिफा विश्वकप फुटबलको क्वार्टरफाइनलमा प्रवेश गरेको छ । शनिबार राति भएको प्रि-क्वार्टरफाइनल खेलमा अस्ट्रेलियालाई २-१ ले पराजित गर्दै अर्जेन्टिना अन्तिम ८ मा प्रवेश गर्‍यो ।

अर्जेन्टिनालाई जित दिलाउन कप्तान लियोनल मेस्सी र जुलियन अल्भारेजले एक-एक गोल गरे । अर्जेन्टिनाका इन्जो फर्नान्डेजले गरेको आत्मघाती गोलका कारण अस्ट्रेलियाले एक गोल फर्कायो ।

मेस्सीले ३५ औँ मिनेटमा गोल गर्दै अर्जेन्टिनालाई अग्रता दिलाए । अल्भारेजले ५७ औँ मिनेटमा अग्रता दोब्बर बनाए ।

अर्जेन्टिनाका इन्जोले ७७ औँ मिनेटमा आत्मघाती गोल गरे ।