विवेकशील एकीकरण मत परिणाम भोलि

काठमाडौं : विवेकशील नेपाली दलले पार्टी एकीकरण जाने या नजाने विषयमा मतदान गराएको छ । उक्त दलले कार्तिक २६ र २७ मा मतदान गराएको हो । जसको परिणाम शनिबार (भोलि) आउनेछ । नेपालस्थित सदस्यहरूले एसएमएसबाट र प्रवासमा रहेकाले इमेलबाट एकीकरण गर्ने कि नगर्ने भन्नेमा ‘एस’ र ‘नो’ आधारमा मतदान गराएको थियो ।

विवेकशील नेपाली दल र साझा पार्टीका संवाद समितिले दुई दलबीच एकीकरण गर्न भएका वार्ताका निष्कर्षहरू ‘संयुक्त प्रतिवेदन’ गत कार्तिक ५ मा संघीय समितिको बैठकले सदस्यहरूकहाँ छलफलमा पठाएको थियो । विवेकशीलमा दुई तिहाई मतले अनुमोदनपछि मात्रै एकीकरणको निर्णय पारित गर्न सक्ने व्यवस्था छ ।