के रोनाल्डोले पोर्चुगल टिमबाट सन्यास लिएका हुन् ?

काठमाडौँ- पोर्चुगल फुटबल टिमका स्टार फरवार्ड क्रिस्टियानो रोनाल्डोले टिमबाट सन्न्यास लिएको संकेत दिएका छन् । सामाजिक सञ्जाल फेसबुकमा उनले पोर्चुगललाई धन्यवाद दिदै कतारमै पोर्चुगललाई विश्वकपको उपाधि दिलाउन आफ्नो सबैभन्दा ठूलो सपनाको अन्त्य भएको रोनाल्डोले लेखेका छन् ।

'अहिलेको लागि धेरै भन्नु छैन । धन्यवाद पोर्चुगल । धन्यवाद कतार । सपना लामो समय सम्म राम्रो थियो ... अब, यो आशा छ कि मौसम राम्रो सल्लाहकार हुनेछ र प्रत्येकलाई आफ्नो निष्कर्ष निकाल्न अनुमति दिनेछ,' उनले थपेका छन् ।

रोनाल्डोले पोर्चुगलका लागि विश्वकप जित्नु आफ्नो करियरको सबैभन्दा ठूलो र महत्वाकांक्षी सपना रहेको समेत बताए ।

कतारमा जारी फिफा विश्वकप अन्तर्गत मोरक्कोसँग पराजित भएपछि क्वार्टरफाइनलबाटै पोर्चुगल बाहिरिएपछि रोनाल्डोले सामाजिक सञ्जालमार्फत आफ्नो धारणा राखेका हुन् ।

'पोर्चुगलका लागि विश्वकप जित्नु मेरो करियरको सबैभन्दा ठूलो र महत्वाकांक्षी सपना थियो,' रोनाल्डोले लेखेका छन् ।

पोर्चुगलका लागि अन्तर्राष्ट्रिय पदक जितेपनि विश्वकपको उपाधि दिलाउनु सबैभन्दा ठूलो सपना रहेको उनले जनाए ।

'मैले यसको लागि लडे । मैले यो सपनाको लागि कडा संघर्ष गरे । मैले टिमका सदस्य तथा समर्थकको समर्थनमा १६ वर्षमा पाँच वटा विश्वकपमा गोल गरे ।  मैले आफ्नोतर्फबाट सबै दिए । यो सबै मैदानमा छोड्नुहोस् । मैले कहिल्यै संघर्षका क्रममा आफ्नो अनुहार फर्काइनँ र मैले त्यो सपनालाई कहिल्यै छोडिन,' उनले थपे ।