‘हात्तीछाप’मा सौगात अनुबन्धित, फेरि सौगात र दयाको ‘ब्रोमान्स’

काठमाडौँ - किरण नेपालीको निर्माणमा तयार हुन लागेको फिल्म ‘हात्तीछाप’मा सौगात मल्लले पनि अभिनय गर्ने भएका छन् । निर्माण टिमले आइतबार उनलाई फिल्ममा अनुबन्ध गरेको जानकारी गराएको हो । यो फिल्ममा यसअघि दयाहाङ राई पनि अनुबन्ध भइसकेका छन् । फिल्मलाई सिमोस सुनुवारले निर्देशन गर्दैछन् ।

योसँगै किरणले नै बनाएको फिल्म ‘२ नम्बरी’पछि सौगात र दयाहाङले फेरि एउटै ब्यानरमा काम गर्ने पक्का भएको छ । सौगात र दयाले काम गरेको ‘२ नम्बरी’ले बक्स अफिसमा सुखद कमाइ गरेको थियो ।

यो फिल्ममा दुवैले साथीको भूमिका निर्वाह गरेका थिए । फिल्मभित्र उनीहरूको ब्रोमान्स दर्शकका लागि रुचिकर लागेको थियो । फिल्मको कथालाई प्रदीप भारद्धाजले लेखेका हुन् । सामाजिक कथावस्तुमा निर्माण हुने फिल्मलाई चैत्रबाट सुरु गर्ने योजना निर्माताको छ ।