माओवादी सांसदले शुक्रबार नै गरेका थिए खाली माइन्युटमा हस्ताक्षर

फाइल तस्बिर

काठमाडौँ- सरकार गठनका लागि नेकपा माओवादी केन्द्रले पनि हस्ताक्षर संकलन गरेको छ । शुक्रबारदेखि माओवादीले खाली कागजमा हस्ताक्षर संकलन सुरु गरेको हो ।

'मैले हिजो नै हस्ताक्षर गरिसकेँ' माओवादीका एक सांसदले इकागजसँग भने 'माइन्युटमा माननिय माओवादी केन्द्रका सांसदहरू मात्रै लेखिएको छ । त्यसैको मुनि हस्ताक्षर गरेको हुँ ।'

सरकार गठनमा सत्तागठन्धनको रस्साकस्सी परिरहेको बेला प्रधानमन्त्री दाबी गर्ने कांग्रेस र माओवादी दुबैले हस्ताक्षर संकलन गरिरहेको छ ।

नेपाली कांग्रेसका सांसद रमेश लेखकले आफूहरूले खाली कागजमा हस्ताक्षर गरेका बताएका छन् । प्रधानमन्त्रीसमेत रहेका शेरबहादुर देउवाले खाली कागजमा हस्ताक्षर संकलन गरिरहेको बेला इकागजसँग कुरा गर्दै सांसद लेखकले हस्ताक्षर गरिसकेको बताए ।

'कांग्रेसको नेतृत्वमा सरकार गठनका लागि कांग्रेसका सांसदहरूको हस्ताक्षर संकलन गरिसक्यौँ' लेखकले इकागजसँग भने ‘हिजै हामीले हस्ताक्षर संकलन गरिसक्यौँ । सरकारको दाबीका लागि सबै सांसदहरूको हस्ताक्षर चाहिन्थ्यो । त्यो गरिसक्यौँ । यसमा कुनै विवाद छैन ।’