१२ वर्षपछि ‘ह्रस्व दीर्घ’ मार्फत् विपना थापाको कमब्याक

काठमाडौँ - भारतको मथुरामा घरजम गरेर उतै व्यस्त रहेकी अभिनेत्री विपना थापाले नेपाली फिल्ममा पुनरागमन गर्ने भएकी छिन् । उनले अभिनेत्री नीता ढुंगानाले निर्माण गर्न लागेको फिल्म ‘ह्स्व दीर्घ’मार्फत् पुनरागमन गर्ने भएकी हुन् । निर्माण टिमले विपनालाई फिल्ममा स्वागत गरेको पोस्टसहित उनी फिल्मको हिस्साब बन्न लागेको जानकारी गराएका हुन् ।

चन्द्र पन्तले निर्देशन गर्न लागेको फिल्ममा दक्षिण भारतीय मुलका कलाकारको पनि अभिनय रहनेछ । ‘अपहरण’बाट नेपाली सिनेमामा प्रवेश गरेकी विपनाले ‘जन्मभूमि’ फिल्मबाट चर्चा पाएकी थिइन् । त्यसयता ७० हाराहारी नेपाली फिल्ममा देखिएकी उनले अन्तिम समयमा ‘संघर्ष जिन्दगीको’ खेलेकी थिइन् । यो फिल्म २०६७ सालमा प्रदर्शनमा आएको थियो । 

‘बरमाला’ फिल्ममा अभिनय गरेर यसैका निर्मातासँग विवाह गरेकी विपना मथुरामा बस्दै आएकी थिइन् । एउटा अवार्ड कार्यक्रममा सहभागी हुन नेपाल आएका बेला पुराना दिन सम्झेर रोएको विपनाको भिडियोले चर्चा पाएको थियो ।