मनाङका जनताले मुख्यमन्त्री गुरुङविरुद्ध जान नदिएकोले बैठकमा आइनँः 'मनाङे'

पोखराः गण्डकी प्रदेश सभा सदस्य दीपक मनाङे (राजीव गुरुङ) ले मनाङका जनताले मुख्यमन्त्री पृथ्वीशुब्बा गुरुङविरुद्ध जान नदिएकोले आफू संसद्मा उपस्थित नभएको प्रतिक्रिया दिएका छन् । ‘मनाङका जनताले गुरुङ सरकारविरुद्ध जान नदिएकाले बैठकमा आइनँ,’ इकागजसँग उनले भने । 

गण्डकी प्रदेश सभामा मुख्यमन्त्री गुरुङविरुद्धको अविश्वाश प्रस्तावमा मतदान हुने तयारी भइरहदा उनी संसद्‍मा उपस्थित छैनन् ।  संसदको कार्यसूची अनुसार आज अविश्वासमा मतदान हुँदैछ । २०७६ मा नेकपा प्रवेश गरेका मनाङेले अहिले आफूलाई स्वतन्त्र सांसद बताउँदै आएका छन् ।