इंग्लिस प्रिमियर लिगः सिटीले लिड्सविरुद्ध खेल्दै

काठमाडौँ- इंग्लिस प्रिमियर लिग फुटबल अन्तर्गत साविक विजेता म्यानचेस्टर सिटीले बुधबार लिड्सविरुद्ध खेल्दैछ । सिटी र लिड्सबीचको खेल एलान्ड रोडमा हुनेछ ।

कतारमा सम्पन्न फिफा विश्वकप फुटबल समापन भएपछि सुरु भएको लिगमा सिटीले पहिलो खेल खेल्न लागेको हो ।

लिग अन्तर्गत सिटी १४ खेलबाट ३२ अंक जोड्दै तेस्रो स्थानमा छ । यता १५ खेलबाट ४० अक जोडेको आर्सनल शीर्ष तथा १६ खेलबाट ३३ अंक जोडेको न्यूकासल दोस्रो स्थानमा रहेका छन् ।

यता १४ खेलबाट १५ अंक जोडेको लिड्स भने १५ औँ स्थानमा रहेको छ ।