झापामा भेटियो शंकास्पद बस्तु, नेकपा विद्रोहीले लियो जिम्मेवारी

झापा : पूर्वपश्चिम राजमार्गको दमक-९स्थित चियादोकान नजिकैको भित्री सडकमा शंकास्पद बस्तु फेला गरेको छ । एउटा टिनको बट्टामा तार बाधेर सडकमा फालिएको अवस्थामा शंकास्पद बस्तु भेटिएपछि केहिबेर जनजिवन त्रासमय बनेको हो ।

दमक प्रहरीले सेनाको सहयोगमा निस्कृय गरिएको इलाका प्रहरी कार्यालय दमकका प्रहरी नायव उपरीक्षक नवराज कार्कीले जानकारी दिए । शंकास्पद बस्तुलाई तोपागाछिस्थित नेपाली सेनाको बम डिस्पोजल टोलीले बिहान ९ बजे निस्कृय बनाएको हो ।

बिहानै शंकास्पद बस्तु देखिएपछि त्यस आसपासका बासिन्दाहरु त्रसित भएका थिए । फेला परेको त्यस शंकास्पद बस्तुमा नेकपा विद्रोही समूहको पर्चा टासिएको र अमेरिकी सहयोग एमसीसीको विरोध गरिएको उल्लेख छ । प्रहरीले बम भनेर त्रसित बनाउने समूहको खोजी कार्य भईरहेको प्रनाउ कार्कीले बताए ।