सेयर बजार २० अंकले बढ्दा कारोबार रकममा उल्लेख्य वृद्धि

काठमाडौँ – धितोपत्र बजार साताको सुरुवाती कारोबारको दिन २० अंकले बढेको छ । आइतबार बजार २०.५५ अंकले बढेको हो । आज बजार २० अंकले बढ्दा परिसूचक २१६४.४८ अंकमा उक्लिएको छ । यस्तै 'क' वर्गका कम्पनीहरूको मापक सेन्सेटीभ इन्डेक्स स्थिर रह्यो ।

उप-सूचकतर्फ बैंकिङ समूह ०.८८ प्रतिशत, म्यानिफ्कचरिङ एण्ड प्रोसेसिङ समूह १.०७ प्रतिशत र माइक्रो फाइनान्स समूह ०.२२ प्रतिशतले घट्दा बाँकी समूह बढेका छन् ।

यस्तै कारोबार रकममा पनि उच्च बढोत्तरी भएको छ । आज २५९ कम्पनीको ५ अर्ब ४५ करोड ९९ लाख २५ हजार रुपैयाँ बराबरको १ करोड ४१ लाख कित्ता सेयर ७५ हजार ४६५ पटकमा खरिद बिक्री भएको छ।

बजार २० अंकले बढ्दा कारोबार भएका १३३ कम्पनीको सेयर मूल्य बढेको छ भने ७१ कम्पनीको सेयर मूल्य घटेको छ। खप्तड लघुवित्त र बाराही हाइड्रोपावरको सेयर मूल्यमा सकारात्मक सर्किट ब्रेकर लागेको छ।

यस्तै ङादी ग्रुप पावर, मनकामना स्मार्ट लघुवित्त, ग्लोबल आइएमई समुन्नत स्किम लगायतका कम्पनीको सेयरले उच्च कमाउनेमा परेका छन् ।