म तेस्रो पटक प्रधानमन्त्रीमा नाम लेखाउन मात्रै आएको होइन, काम गर्न आएको हुँ : प्रधानमन्त्री प्रचण्ड

काठमाडौँ–प्रधानमन्त्री पुष्पकमल दाहाल ‘प्रचण्ड’ले  आफू तेस्रो पटक प्रधानमन्त्रीमा नाम लेखाउन मात्रै नेतृत्वमा नआएको  बताएका छन् ।

मंगलबार प्रधानमन्त्रीकोरुपमा विश्वासको मत माग्दै उनले आफू काम गर्न तेस्रो पटक प्रधानमन्त्री भएर आएको बताएका हुन् । 

‘जनताको समर्थन हामीमाथि सशर्तमा मात्रै छ,’ प्रधानमन्त्री दाहालले भने, ‘म तेस्रो पटक प्रममा नाम लेखाउन वा सिंहदरबार फोटो टाँस्न उभिएको होइन । म काम गरेर डाटासहित उभिनेछु ।’