सालको काठसहित एक जना पक्राउ

महोत्तरी- प्रहरीले अवैध सालको काठ बरामद गरेको छ । शुक्रबार महोत्तरीको बर्दिबासस्थित वडा न.१४ को भित्रि सडकबाट ट्याक्टरमा लोड गरेर लैजाँदै गरेको ७९.१ क्युफिट सालको काठ बरामद गरेको हो ।

विशेष सूचनाको आधारमा इलाका प्रहरी कार्यालय गौरिडाडाबाट खटिएको प्रहरीले २-०३-००१ त १११३ नम्बरको ट्याक्टरमा लोड गरेको काठसहित उक्त ट्याक्टरका चालकलाई पनि पक्राउ गरेको हो ।

पक्राउ पर्नेमा वडा न.१४ का नै २३ वर्षीय विशाल मगर छन् । उनलाई पक्राउ गरि थप अनुसन्धानको लागि सव डिभिजन कार्यालय माइस्थान पठाइएको इलाका प्रहरी कार्यालय गौरिडाँडाले जनाएको छ ।