ठूला अस्पतालमा तत्काल अक्सिजन प्लान्ट स्थापना गरिन्छ : प्रधानमन्त्री ओली

काठमाडौँ : देशका विभिन्न अस्पतालमा उपचाररत कोभिड संक्रमित विरामी अक्सिजन ग्यास नपाएर ज्यान गुमाइरहेको बेला प्रधानमन्त्री केपी शर्मा ओलीले ठूला अस्पतालमा तत्काल अक्सिजन प्लान्ट स्थापना गरिने जनाएको छ । आज देशवासीको नाममा सम्बोधन गर्दैै ओलीले सरकारले उद्योग तथा कलकारखानामा अक्सिजनको आपूर्ति बन्द गरेको पनि बताए । 

 उनले ठूला अस्पतालमा अक्सिजन प्लान्ट स्थापना गर्ने, बिग्रिएका प्लान्ट तत्काल मर्मत गरेर सञ्चालनमा ल्याइने पनि बताए ।   त्यस्तै अन्तर्राष्ट्रिय सीमा नाकाबाट नेपाल प्रवेश गर्ने हरेक नागरिकको पीसीआर परीक्षण गरिने ओलीको घोषणा छ । प्रधानमन्त्रीले स्थलमार्गबाट नेपाल आउने विदेशी नागरिकलाई पनि रोक लगाइएको बताए ।