प्रिमियर लिगः लिभरपुल विजयी

काठमाडौँ- इंग्लिस प्रिमियर लिगअन्तर्गत लिभरपुलले जित हात पारेको छ । सोमबार राति एन्फिल्डमा भएको खेलमा लिभरपुलले एभर्टनलाई २-० गोलअन्तरले पराजित गर्‍यो ।

लिभरपुलको जितमा मोहमद सालाह र कोडी गाक्पोले एक-एक गोल गरे । सालाहले ३६ औँ मिनेटमा गोल गर्दै लिभरपुललाई अग्रता दिलाए । गाक्पोले ४९ औँ मिनेटमा गरेको गोलसँगै लिभरपुलले महत्वपूर्ण ३ अंक जोड्यो ।

जितसँगै २१ खेलबाट ३२ अंक जोडेको लिभरपुल नवौं स्थानमा उक्लिएको छ । २२ खेलबाट १८ अंक जोडेको एभर्टन भने १८ औँ स्थानमा छ ।