निरु विक हत्या प्रकरणः दुई जना अभियुक्त पक्राउ

कालिकोट– कालिकोट खाँडाचक्र नगरपालिका–६ की १६ वर्षीया निरु विकको हत्या अभियोगमा दुई जना पक्राउ परेका छन् । जिल्ला प्रहरी कार्यालय कालिकोटले सोही ठाउँका ३० वर्षीया कमला विक र अने नेपालीलाई सोमबार पक्राउ गरेको हो । 

पक्राउ परेका दुवै जनालाई जिल्ला अदालत कालिकोटबाट म्याद थपगरी अनुसन्धान सुरु गरिएको प्रहरीले जनाएको छ । 

२०७८ भदौ ४ गते घरबाट मेला हेर्न गएकी निरु विक तीन दिनपछि अर्थात् भदौ ७ गते घरनजिकैको मेकैबारीमा मृत फेला परेकी थिइन् । 

प्रहरीले उनको हत्यारा पत्ता लगाउन अनुसन्धान गरिरहेको थियो ।