माओवादीले केही बेरमा सरकारलाई दिएको समर्थन फिर्ताको पत्र बुझाउँदै

काठमाडौँ :  सरकारलाई दिएको समर्थन फिर्ताको पत्र नेकपा माओवादी केन्द्रले केही बेरमा बुझाउने तयारी गरेको छ । संसद् सचिवालयमा समर्थन फिर्ताको पत्र केही बेरमा बुझाउने तयारी गरिएको माओवादी केन्द्रका नेता देव गुरुङले बताए ।

पार्टीको निर्णय अनुसार सरकारलाई दिएको समर्थन फिर्ता गर्न लागिएको हो । गुरुङले इकागजसँग भने,'तयारी भइरहेको छ, केही बेरमा बझाउने तयारी भएको छ ।'

माओवादी केन्द्रले मंगलबार सरकारलाई दिएको समर्थन फिर्ता लिने निर्णय गरेको हो । स्थायी कमिटी बैठकले तीन प्रदेश प्रमुखहरुलाई बिनाकारण पदमुक्त गरेकोप्रति पनि आपत्ति जनाउँदै सरकारलाई दिएको समर्थन फिर्ता लिने निर्णय गरेको थियो ।