सन् २०१७ पछि म्यानचेस्टर युनाइटेडले जित्यो पहिलो उपाधि

काठमाडौँ- म्यानचेस्टर युनाइटेडले कारबाओ कपको उपाधि हात पारेको छ । आइतबार राति वेम्बलीमा भएको फाइनलमा न्यूकासल युनाइटेडलाई २-० गोलअन्तरले पराजित गर्दै युनाइटेडले उपाधि जितेको हो ।

सन् २०१७ पछि युनाइटेडको यो पहिलो उपाधि हो । ६ वर्षअघि युनाइटेडले युरोपा लिगको उपाधि जितेको थियो । यता न्यूकासल भने सन् १९६९ देखि उपाधि विहिन बन्दै आएको छ ।

युनाइटेडलाई उपाधि दिलाउन कासेमिरो र मार्कस रासफोर्डले एक-एक गोल गरे । कासेमिरोले ३३ औँ मिनेटमा गोल गर्दै युनाइटेडलाई अग्रता दिलाए । रासफोर्डले ३९ औँ मिनेटमा गरेको गोलसँगै युनाइटेडले उपाधि आफ्नो पोल्टामा पार्‍यो ।