नवनियुक्त मन्त्रीले लिए सपथ

नवनियुक्त मन्त्री सपथ ग्रहण गर्दै । तस्विर : राष्ट्रपति कार्यालय

काठमाडौं : नवनियुक्त मन्त्रीहरुले पद तथा गोपनीयताको शपथ ग्रहण गरेका छन् । बिहीबार शितल निवासमा आयोजित समारोहमा राष्ट्रपति विद्यादेवी भण्डारीले तीन जना मन्त्रीलाई शपथ ग्रहण गराएकी हुन् ।

बुधबार विष्णु पौडेललाई अर्थ, कृष्ण गोपाल श्रेष्ठलाई शहरी विकास र लीलानाथ श्रेष्ठलाई महिला, बालबालिका तथा ज्येष्ठ नागरिकमन्त्रीमा नियुक्ती भएका थिए । यसअघिका महिला बालबालिका तथा ज्येष्ठ नागरिकमन्त्री पार्वत गुरुङ भने सञ्चार तथा सूचना प्रविधिमन्त्रालमा तानिएका थिए ।

त्यस्तै उपप्रधानमन्त्री एवं रक्षामन्त्री ईश्वर पोखरेललाई रक्षामन्त्रीबाट हटाइएर बिनाविभागीय मन्त्री बनाइएको छ । पोखरेललाई प्रधानमन्त्री तथा मन्त्रिपरिषद्को कार्यालयको जिम्मेवारी दिइएको छ ।