पर्सामा ६ जना कोभिड संक्रमितको मृत्यु

वीरगन्ज : वीरगन्जको नारायणी अस्पतालमा उपचाररत ६ जना काेभिड संक्रमितको मृत्यु भएको छ । बुधबार रातीदेखी बिहीबार अहिलेसम्म काेभिडको संक्रमणबाट वीरगन्जमा थप ६ जनाको मृत्यु भएको अस्पताल प्रशासनले जनाएको हो । बिहीबार बिहान ८ बजेदेखि ११ बजेर ३५ मिनेटको अवधिमा थप तीनजनाको मृत्यु भएको जिल्ला प्रशासन कार्यालय पर्साका काेभिड फोकल पर्सन बिनय श्रीवास्तवले जानकारी दिए ।

उनका अनुसार बिहीबार बिहान ८ बजे रौतहट जिल्लाको बिजयपुर गाउँपालिकाका ४५ बर्षीय पुरुषको मृत्यु भएको हो । बिहीबार बिहान नारायाणी अस्पतालमा भर्ना भएका संक्रमितकाे आजै एन्टीजेट विधिबाट काेभिड परीक्षण गर्दा संक्रमण पुष्टी भएको थियो । यसरी नै बिहीबार बिहान ११ बजेर १० मिनेट जाँदा रौतहटकै प्रतापपुरका ६० बर्षीया महिलाको मृत्यु भएको छ ।

बुधबार अस्पतालमा भर्ना भएका उनीमा एन्टीजेन बिधिबाट परिषण गर्दा कोारेना संक्रमण पुष्टी भएको थियो । बिहीबार नै बिहान ११ बजेर ३५ मिनेटमा पर्साको जगरनाथपुर गाउँपालिका वडा नम्बर ८ का ५५ बर्षीय पुरुषको मृत्यु भएको छ । बैशाख १५ गते अस्प्तालमा भर्ना भएका उनीमा सोही दिन एन्टीजेन बिधिबाट परिक्षण गर्दा काेभिड संक्रमण पुष्टी भएको थियो ।

यसअघि वीरगन्जको नारायणी अस्पतालमा उपचाररत थप ३ जना काेभिड संक्रमितको मृत्यु भएको छ । नारायणी अस्पतालमा उपचाररत रौतहट जिल्लाको गौर नगरपालिका वडा नम्बर २ का ५४ वर्षिय पुरुषको आज बिहीबार विहान ५ बजे मृत्यु भएको हो । बैशाख २१ गते उपचारका लागि अस्पतालमा भर्ना भएका ती पुरुषको त्यहि दिन एन्टिजेन विधीबाट परीक्षण गर्दा उनमा काेभिड संक्रमण पुष्टि भएको थियो ।

ती संक्रमित पुरुषको दुवै फोक्सोले काम गर्न छोडेपछि बिहीबार बिहान ५ बजे मृत्यु भएको नारायणी अस्पतालका प्रवक्ता डाक्टर सरोज रोशन दासले जानकारी दिए । यस्तै नारायणी अस्पतालमै उपचाररत वीरगन्ज महानगरपालिका वडा नम्बर ४ वीर्ताका ७० बर्षका वृद्ध पुरुषको बुधबार साढे ११ बजे मृत्यु भएको छ । बैशाख १९ गते नारायणी अस्पतालमा भर्ना गरिएको उनको एन्टिजेन परीक्षणबाट काेभिड पोजिटिभ आएको थियो । नारायणी अस्पतालमै उपचाररत रौतहटको गरुडा नगरपालिका ३ का ४७ वर्षका पुरुषको पनि बुधबार बेलुकी ७ बजे मृत्यु भएको छ ।

बैशाख २० गते उपचारका लागि भर्ना भएका ती पुरुषको त्यहि दिन एन्टिजेन विधीबाट परिक्षण गर्दा काेभिड रिपोर्ट पोजेटिभ आएको थियो । उपचारका क्रममा उनको बुधबार बेलुकी ७ बजे मृत्यु भएको नारायणी अस्पतालका कोभिड कोर्डिनेटर डाक्टर सरोज रोशन दासले जानकारी दिनुभयो । काेभिडको दोश्रो लहर शुरु भए यता चैत ३१ देखि बैशाख २३ गते बिहीबार अहिलेसम्म वीरगन्जमा काेभिडले ४९ जनाको मृत्यु भएको छ ।

वीरगन्जको नारायणी अस्पतालमा ३७ जनाको , नारायणी बयोधा अस्पतालमा ५ जना, नेशनल मेडिकल कलेजको काेभिड अस्पतालमा ५ जना , गण्डक अस्पतालमा १ जना र एडभान्स हस्पिटलमा १ जनाको मृत्यु भएको हो । मृतक ४६ जना मध्ये पर्साका ३२ जना , बाराका ९ जना , रौतहटका ६ जना , सर्लाहीका २ जना र एक जना भारतीय नागरिक हुन् । यसैबीच काेभिड भाईरसको संक्रमणका कारण ठोरी गाउँपालिका ५ सुवर्णपुर निवासी ५२ बर्षीय एक व्यक्तिको मृत्यु भएको छ । काठमाडौँको टेकु अस्पतालमा उपचाररत उनको बिहीबार बिहान मृत्यु भएको उनको परिवारजनले जानकारी दिएको छ । गत बैशाख ५ गते उनको स्वाव परीक्षण गरिएको र ६ गते काेभिड पोजेटिभ भएको रिपोर्ट आएपछि उनलाई काठमाडौ कै एक अस्पतालमा उपचारार्थ रखिएको थियो ।

यस्तै वीरगन्ज महानगरपालिककी उपप्रमुख शान्ति कार्कीलाई काेभिड संक्रमण भएको छ । महानगरपालिकाकी उपप्रमुख कार्कीलाई काेभिड संक्रमण भएपछि उहाँ निवासमै होम आइशोलेसनमा बसेको उनको स्वकीय सचिव विजय पौडेलले जानकारी गराए । यस्तै काेभिड संक्रमणको दोश्रो लहर शुरु भएपछि बैशाख महिनाको बिहीबारको दिन हालसम्ममा मात्रै वीरगन्जमा २२ सयभन्दा बढि, काेभिडका संक्रमित थपिएका छन् । वीरगन्ज स्थित नारायणी अस्पतालको प्रयोगशालामा बैशाख १ गते देखि बैशाख २३ गते सम्म ३ हजार ६ सय ४७ जनाको परिक्षण गर्दा ती मध्ये २ हजार २ सय ५३ जनामा संक्रमण भेटिएको हो ।

वीरगन्जमा पछिल्लो २२ दिनको अवधीमा मात्रै २ हजार २ सय ५३ जना संक्रमित थपिएको नारायणी अस्पतालका कोभिड कोर्डिनेटर डाक्टर सरोज रोशन दासले जानकारी दिए । वीरगन्जमा  बैशाख यता काेभिड संक्रमण दर औसत ६१ प्रतिशत रहेको उनले बताए । बिहीबार मात्रै वीरगन्जमा १५१ जना संक्रमित थपिएका हुन् । नारायणी अस्पतालको प्रयोगशालामा १९२ जनाको परिक्षण गर्दा १५१ जनामा संक्रमण पुष्टि भएको हो । गएराति थपिएका १५१ जना मध्ये पर्सा जिल्लाका १०९ जना छन् । यस्तै बाराका ३० , सर्लाहीका ७ र रौतहटका  ५ जनामा पनि संक्रमण पुष्टि भएको नारायणी अस्पतालका कोभिड कोर्डिनेटर डाक्टर दासले जानकारी दिए ।