सबै बैंकले ब्याजदर घटाउँदा स्ट्‌याण्डर्ड चार्टर्डले घटाएन्

काठमाडौँ- नेपालका सबै बैंकहरूले ब्याजदर घटाउँदा स्ट्‌याण्डर्ड चार्टर्ड बैंकले भने ब्याजदर घटाउन आनाकानी गरेको छ ।

सो बैंकले फागुन महिनामै कायम ब्याजदरलाई निरन्तरता दिँदै चैत्र १ गतेदेखि लागू हुनेगरी सूचना सार्वजनिक गरेको छ ।

वाणिज्य बैंकहरूको छाता सङ्गठन नेपाल बैंकर्स संघले चैतमा निक्षेपमा शून्य दशमलव चार प्रतिशत र कर्जामा एक प्रतिशत प्रिमियम दर घटाउने निर्णय गरेको थियो । अन्य वाणिज्य बैंकहरूले सोहि अनुरुपमा नयाँ ब्याजदर सार्वजनिक गरेपनि स्ट्यान्डर्ड चार्टर्ड बैंकले भने पुरानै ब्याजदरलाई निरन्तरता दिएको हो । 

बैंकले प्रकाशन गरेको नयाँ ब्याजदर अनुसार बैंकले बचत खातामा न्यूनतम ६.४२ प्रतिशतदेखि अधिकतम ८.१५ प्रतिशतसम्म ब्याज दिनेछ भने मुद्दति निक्षेपको ब्याज न्यूनतम ९ प्रतिशतदेखि अधिकतम १२ प्रतिशतसम्म तोकेर सूचना सार्वजनिक गरेको छ । सो बैंकले रेमिट्यान्स रेमिट्यान्स मुद्दती खातामा १२ प्रतिशत ब्याज प्रदान गर्ने जनाएको छ । 

अन्य बैंकहरूले बचत खाताको न्यूनतम ब्याजदर ६.४२ प्रतिशतबाट घटाएर ६ प्रतिशतमा झारेको भएता पनि स्ट्यान्डर्ड चार्टर्डले भने बचत खातामा न्यूनताम ६.४२ प्रतिशत नै ब्याज नै कायम राखेर सूचना निकालेको छ ।

यसैगरी, सो बैंकले कर्जामा पनि आधारदरमा ५.७५ प्रतिशतसम्म प्रिमियम दर तोकेको छ जबकी तर नेपाल बैंकर्स संघले आधारदरमा अधिकतम पाँच प्रतिशतसम्म प्रिमियम दर तोक्ने निर्णय गरेको थियो ।