दाहाल साहसिक प्रधानमन्त्री : प्रदीप यादव

काठमाडौँ- जनता समाजवादी पार्टी, नेपालका सांसद प्रदीप यादवले प्रधानमन्त्री पुष्पकमल दाहालको प्रशंसा गरेका छन् ।

सोमबार प्रतिनिधिसभा बैठकमा बोल्दै उनले दाहाल साहसिक प्रधानमन्त्री भएको भन्दै त्यस्तो प्रधानमन्त्री मुलुकले कमै पाउने दाबी समेत गरे । सांसद यादवले मुलुक संकटमा परेकाले त्यसको निकासका लागि प्रधानमन्त्री दाहाललाई सबै राजनीतिक पार्टीले मिलेर विश्वासको मत दिनुपर्ने तर्क समेत गरे । उनले विगतमा गरिएको प्रतिबद्धता कार्यान्वयन गरेर अघि बढ्न प्रधानमन्त्री दाहालको पनि ध्यानाकर्षण गराए ।

सांसद यादवले नेपाली जनताले प्रधानमन्त्री दाहालबाट विगतमा गरिएको प्रतिबद्धता कार्यान्वयन भएको हेर्न चाहेकाले उनले सो काममा आफूलाई केन्द्रित गर्नुपर्ने बताए । उनले महंगी नियन्त्रण गर्न पनि सरकारलाई सचेत गराए ।