खल्तीबाट 'बहाव'को टिकट काट्नेलाई थाइल्यान्ड घुम्‍ने अवसर

काठमाडौं ।   'बहाव' सिनेमा निर्माण पक्षले पनि 'बहाव' फिल्मको टिकटमा थाइल्यान्ड घुम्‍न पाउने योजना सार्वजनिक गरेका छन् ।  यो योजनामा सहभागी हुन चाहाने दर्शकले  चलचित्रको टिकट खल्ती एप मार्फत काट्नुपर्ने छ | खल्ती एप प्रयोगकर्ताको एकाउन्ट केवाइसी प्रमाणित भएको हुनुपर्ने छ |

नेपालभरीबाट २५ भन्दा बढी हलको टिकट खल्ती एप मार्फत काट्न सकिने छ | खल्ती एपबाट सिनेमाको टिकट काटेर सिनेमा हेर्ने  दर्शकले एम डी होलिडेजको तर्फबाट एक जोडीलेथाइल्यान्डको टुर प्याकेज जित्ने मौका पाउनेछन् | साथै खल्ती एपबाट टिकेट काट्दा  Promocode : BAHAAB प्रयोग गरेर १०% सम्म पैसा फिर्ता समेत प्राप्त गर्न सक्ने छन् |

सिनेमा प्रमोशन मा जोडिन पाएकोमा फिल्म 'बहाव' को टिमलाई धन्यवाद दिदै विजेतालाई थाइल्यान्ड घुमाउन उत्सुक रहेको एम डी होलिडेजकी प्रमुख प्रतिनिधि बिनिता त्वयनाले बताएकी छिन् । यस पुरस्कारसँग जोडिएको टिकेटिङ पार्ट्नर खल्ती पनि उत्तिकै उत्सुक भएको भन्दै खल्तीले यस्ता कार्यक्रमहरुलाई बढावा दिने र खल्ती एप मार्फत फिल्म हेर्ने प्रयोग कर्ताका लागि अहिलेसम्मकै ठूलो पुरस्कार राशीको यो टुर प्याकेजमा रहेको कुरा खल्तिकी मार्केटिङ प्रतिनिधि अमृता श्रेष्ठले जानकारी दिइन | खल्ती एक नेपालको उदयमान डिजिटल वालेट र भुक्तानी गेटवे हो । यसले विभिन्न बिल भुक्तानीहरू, मोबाइल रिचार्जहरू, मनी ट्रान्सफरहरू, घरेलु रेमिटेन्स, किनमेल, चलचित्र टिकट आदिको लागि सुरक्षित र छिटो अनलाइन भुक्तानी माध्यम प्रदान गर्दछ भने एम डि ट्राभल्स बिगत ६ वर्ष दखि ट्राभल प्याकेजहरु उपलब्ध गरिरहेको एक IATA लाइसेन्स प्राप्त संस्था हो जसका प्रबन्ध निर्देशक लिला बहादुर लामा हुन |

दुईतर्फी हवाई भाडा र तीन तारे होटलमा बसाइसहितको चार रात , पाँच दिनको टुर प्याकेज समावेश गरिएको उक्त पुरस्कार प्याकेज फिल्म प्रमोशनको लागि निकै प्रभावकारी हुने फिल्मका मार्केटिंग हेड सुदिप दवाडीको दाबी छ | विजेता छनोट भने फिल्म प्रदर्शन सकिएको २ हप्ता पछि खल्तीको अफिसियल पेज मार्फत लक्की ड्र गरेर गरिनेछ | सो प्याकेज प्राप्त गर्नको लागि विजेताले घोषणा भएको २ हप्ताभित्र एमडी होलिडेज ट्राभलको डेस्क वा खल्ती एपको सपोर्ट डेस्कमा सम्पर्क गर्नुपर्नेछ । टूर प्याकेज घोषणाको मितिदेखि ३ महिना भित्रसम्म मात्र मान्य हुनेछ |  विशेष परिस्थितिमा विजेता यात्रा गर्न असमर्थ भएमा, उसले आफ्ना परिवारका सदस्यहरूलाई उनीहरूबीचको नाता प्रमाणित प्रमाणपत्र देखाएर प्याकेजको लागि मनोनीत गर्न सक्नेछ |  थाइल्याण्ड भिसाको लागि फाइनान्सियल र अन्य कागजातको जिम्मेवारी विजेताको स्वयमको हुनेछ |  भिसा प्रोसेसिङको लागत प्याकेजमा समावेश गरिएको छैन र भिसा रकम विजेता स्वयम्ले बेहोर्नु पर्ने छ ।