जसपा नेताहरूको टोली बालुवाटार पुग्यो

काठमाडौँ : जनता समाजवादी पार्टी (जसपा)का नेताहरूको टोली बालुवाटर पुगेको छ । प्रधानमन्त्री केपी शर्मा ओलीसँग भेटवार्ता गर्न जसपाकाअध्यक्ष महन्थ ठाकुर र वरिष्ठ नेता राजेन्द्र महतो बालुवाटर पुगेका हुन् ।

यसअघि जसपाका नेताहरूको यो समूहले प्रमुख प्रतिपक्षी दल नेपाली कांग्रेस सभापति शेरबहादुर देउवासँग लामो छलफल गरेको थियो । बैशाख २७ गते प्रधानमन्त्री ओलीले संसद्‍बाट विश्‍वासको मत लिन लागेका छन् ।  प्रधानमन्त्रीले विश्‍वासको मत लिनुअघि जसपाका नेताहरूको यो दौडधुप अर्थपूर्ण मानिएको छ ।