पीएसजीको जितमा मेस्सीको गोल

काठमाडौँ- फ्रेन्च लिग वानअन्तर्गत पेरिस सेन्ट जर्मेन (पीएसजी) ले नाइसमाथि जित हात पारेको छ । शनिबार राति भएको खेलमा पीएसजीले नाइसलाई २-० गोलअन्तरले पराजित गर्‍यो ।

जितसँगै शीर्ष स्थानमा रहेको पीएसजीले दोस्रो स्थानको लेन्ससँगको दूरी ६ अंकमा पुर्‍याएको छ । पीएसजीले ३० खेलबाट ६९ अंक जोड्दा लेन्सको ६३ अंक छ । नाइस भने ४५ अंकसहित आठौं स्थानमा छ ।

नाइसविरुद्ध पीएसजीलाई जित दिलाउन लियोनल मेस्सी र सर्जियो रामोसले एक-एक गोल गरे ।