ढुंगा लागेर घाइते गुरुङको हेलिकप्टरबाट उद्धार

गोरखा- गोरखाको चुमनुब्री गाउँपालिका- ३ सल्लेरीनजिकै ढुंगा लागेर घाइते भएका ४८ वर्षका गणेश गुरूङलाई उद्धार गरी हेलिकप्टरबाट काठमाडौँ ल्याइएको छ।

पहाडबाट खसेको ढुंगा लागेर गुरुङ गम्भीर घाइते भएका थिए । मनास्लु पदमार्गमा हिँडिरहेका बेला गुरूङमाथि भिरबाट खसेको ढुंगा लागेको हो ।

उनलाई बुधबार नेपाली सेनाको हेलिकप्टरमार्फत उद्धार गरी उपचारका लागि काठमाडौं ल्याइएको छ ।

गोरखा १ का सांसद राजेन्द्र बजगाईंले ढुंगा लागेर घाइते गुरूङलाई प्रधानमन्त्री विपद् व्यवस्था कोष कार्यक्रमसँग समन्वय गरी उद्धार गरिएको बताए । उनको राष्ट्रिय ट्रमा सेन्टरमा उपचार भइरहेको छ ।