एनएमबिले गर्‍यो बैंकको दसौँ हेरिटेज वाक

काठमाडौं– एनएमबि बैंकले दसौँ हेरिटेज वाक सम्पन्न गरेको छ । शनिबार एनएमबि बैंक, बबरमहलबाट शुरु भई पाटन दरबार स्क्वायरसम्म पुगेर हेरिटेज वाक कार्यक्रम सम्पन्न गरेको हो ।

समृद्ध नेपालको अपार सम्भावनासहित मुलुकको ऐतिहासिक तथा सामाजिक रुपान्तरणको लागि सांस्कृतिक सम्पदा प्रवद्र्धन तथा साक्षरता अभिवृद्धि गर्ने उद्देश्यले समारोहको आयोजना गरिएको बैंकले जनाएको छ ।

एनएमबि बैंक लिमिटेडले नेपाल हेरिटेज सोसाईटीको सहकार्यमा पाटन संग्रहालयमा बैंकका कर्मचारी, नेपाल हेरिटेज सोसाईटीका सदस्यहरु, ललितपुर उद्योग वाणिज्य संघका सदस्यहरु, नेपाल हस्तकला महासंघका सदस्यहरु, रोटेरी क्लब अफ पाटन हेरिटेजका सदस्यहरु तथा सर्वसाधारणहरु गरी लगभग ६०० जनाको सहभागितामा हेरिटेज वाक कार्यक्रम सम्पन्न गरेको हो । 

कार्यक्रममा ललितपुर महनगरपालिकाका मेयर चिरि बाबु महर्जन उपस्थित थिए । 

उक्त कार्यक्रममा एनएमबि बैंकद्वारा संस्थागत सामाजिक उत्तरदायित्व अन्तर्गत सम्पदा संरक्षणको लागि नेपाल हेरिटेज सोसाईटीलाइ चार लाख नब्बे हजार रुपैयाँ सहयोगका साथ संग्रहालयलाई डस्टविनहरु समेत हस्तान्तरण गरेको छ ।

सोही प्रकारको कार्यक्रम सबै प्रदेशमा समेत गरिएको छ ।