पोखराबाट सुरु भयो सिरिज ‘ब्रम्हाण्ड’को सुटिङ

काठमाडौँ -  कान्तिपुर फिल्म एकेडेमी र टोपी स्टुडियोज पोखराले बनाउन लागेको नेपाली सिरिज ‘ब्रह्माण्ड’को पोखरा स्थित गुप्तेश्वर महादेवमा  मुहुर्त गरेसँगै सुटिङ प्रारम्भ भएको छ । रियाज नाटककारको लेखन तथा निर्देशन रहेको सिरिजमा अर्पण थापा, सुनिल थापा, भोलाराज सापकोटा, राजन खतिवडा, सरीता गिरी, माओत्से गुरुङ्ग, सुरज विष्ट, सुप्रज्ञा शर्मा, सञ्जय ढुंगाना आदि कलाकारको अभिनय रहेको छ । 

सिरीजलाई अन्तर्राष्ट्रिय मापदण्ड अनुसार बनाइन लागेको निर्माण कम्पनीको दाबी रहेको छ ।  सिरिजको पहिलो सिजन ८ एपिसोडको हुनेछ भने यसको पूरा समयावधि ८ घण्टाको हुने निर्माण कम्पनी कान्तिपुर फिल्म एकेडेमीले जनाएको छ । सिरिज ओटीटी प्लेटफर्ममा रिलिज गरिनेछ । सिरिजका छायांकार पुरुषोत्तम प्रधान हुन् भने कार्यकारी निर्माता सागर राज आचार्य रहेका छन् ।