'बजेट र योजना बिनाको शिलान्यासलाई विकास भनिँदैन प्रधानमन्त्रीजी !'

काठमाडौँ : जनता समाजवादी पार्टी (जसपा)का अध्यक्ष उपेन्द्र यादवले बजेट र योजना बिनाको शिलान्यासलाई विकास नभनिने बताएका छन् । सोमबार प्रधानमन्त्री ओलीले विश्वासको मत लिनुअघि प्रतिनिधि सभामा बोल्दै यादवले यस्तो बताएका हुन् । 

उनले भने,'आयोजनाको डिजाइन पनि छैन, बजेट पनि छैन, हतार-हतार शिलान्यास गरेको छ, बजेट बिना र योजना बिनाको शिलान्यासलाई  विकास भनिँदैन प्रधानमन्त्रीजी ।'

अध्यक्ष यादवले भ्याक्सिन खरिदका विषयमा पनि आफ्नो अभिव्यक्ति दिएका छन् । 'कमिसनको कारणले भ्याक्सिन आएन, हामीले पहिलो खोप लगायौँ । दोस्रो खोप कहिले लगाउने ? आठ हप्ताभित्र लगाउने भन्ने खै त ?', उनले प्रश्न गरे ।