‘नाईँ नभन्नू ल ६’को नयाँ गीत ‘कबाट कछुवा’ सार्वजनिक

काठमाडौँ - वैशाख १ बाट १५ दिन सरेको फिल्म ‘नाईँ नभन्नू ल ६’ले नयाँ गीत सार्वजनिक गरेको छ । फिल्मले बाल गीतको रुपमा लामो समयदेखि चर्चित गीत ‘कबाट कछुवा’लाई नयाँ भर्जनमा तयार गरेको हो । 

भूपेन्द्र रायमाझीको संगीत रहेको नयाँ भर्जनलाई बेनिशा पौडेलले आवाज दिएकी छिन् । गीतमा शब्द रचना डा सुबोधकुमार पोखरेलको रहेको छ । भिडियोमा प्रियंका कार्की र एभलिना खड्का फिचर्ड छन् । भिडियोमा कविराज गहतराजको कोरियोग्राफी र पुरुषोत्तम प्रधानको छायांकन रहेको छ । 

विकासराज आचार्यको निर्देशन रहेको फिल्म आउँदो वैशाख १५ मा प्रदर्शन हुँदैछ । फिल्ममा आँचल शर्मा र आशिर्वाद क्षेत्रीको मुख्य भूमिका रहेको छ । फिल्म भित्र केकी अधिकारी र प्रियंका कार्की अतिथि भूमिकामा रहेका छन् ।