एफए कपको फाइनलमा सिटी र युनाइटेड भिड्ने

काठमाडौँ- एफ कपको फाइनलमा म्यानचेस्टर युनाइटेड र म्यानचेस्टर सिटी भिड्ने भएका छन् । आइतबार राति भएको दोस्रो सेमिफाइनल खेलमा युनाइटेडले ब्राइटन एन्ड होभ अल्वियोनलाई पराजित गर्दै सिटीसँगको फाइनल भिड्न्त पक्का गरेको हो ।

निर्धारित तथा थप गरिएको समयमा दुबै टोलीले गोल गर्न नसकेपछि युनाइटेडले ब्राइटनलाई पेनाल्टी सुटआउटमा ७-६ ले पराजित गर्दै फाइनलको यात्रा तय गर्‍यो ।

यसअघि शनिबार भएको पहिलो सेमिफाइनल खेलमा सिटीले शेफिल्ड युनाइटेडलाई ३-० ले पराजित गर्दै फाइनलमा स्थान बनाएको थियो ।