टिकटकबाट चरित्र हत्या गर्ने युवक पक्राउ

काठमाडौँ- सामाजिक सञ्जाल टिकटकबाट फोटो र भिडियोमार्फत महिलाको चरित्रहत्या गर्ने व्यक्तिलाई चितवनबाट नेपाल प्रहरीले पक्राउ गरेको छ ।  भोटाहिटीस्थित नेपाल प्रहरीको साइबर ब्यूरोले चितवन राप्ती नगरपालिका-९ का २९ वर्षीय विजय लामा भन्ने डम्बरबहादुर तामाङ पक्राउ परेका हुन् ।

उनले महिलाको अश्लीलतासहित फोटो प्रदर्शन गर्ने, व्यक्तित्वमा आँच आउने, सार्वजनिक नैतिकता र शिष्टाचारमा असर पर्ने गरी फोटो हाल्ने गरेका थिए ।

तामाङलाई विद्युतीय कारोबार ऐन, २०६३ अन्तर्गत चितवन प्रहरीको सहयोगमा ब्यूरोबाट गएको प्रहरीले बुधबार नियन्त्रणमा लिएको हो । जिल्ला अदालत काठमाडौँबाट अनुमति लिएर पक्राउ गरेको हो । अदालतबाट आज ५ दिन म्याद थपेर अनुसन्धान गरिरहेको ब्यूरोले प्रस्ट पारेको छ ।