शहिद स्मारक ए डिभिजन लिग : आज तीन वटा खेल हुँदै

काठमाडौँ- शहिद स्मारक लिग ए डिभिजन फुटबलमा आज तीन खेल हुँदैछन् ।

गत बिहीबार एक मात्र खेल भएको ए डिभिजन लिगमा आज तीन खेल हुन लागेको हो । जसअनुसार दुई वटा खेल दशरथ रंगशालामा हुनेछ भने एक खेल एन्फा कम्प्लेक्स, सातदोबाटोमा हुनेछ । 

त्रिपुरेश्वरस्थित दशरथ रंगशालामा पहिलो खेल संकटा क्लब र नेपाल पुलिस क्लबबीच हुनेछ । जुन खेल ३ बजेबाट सुरु हुनेछ भने दोस्रो खेल ६ बजेबाट सोही रंगशालामा हुनेछ । जुन खेलमा न्युरोड टिम र खुमलटारबीच प्रतिस्पर्धा गर्नेछन् ।

उता एन्फा कम्प्लेक्समा हिमालयन शेर्पा र मनाङ मर्स्याङ्‌दीका बीचमा प्रतिस्पर्धा हुनेछ । जुन खेल दिउँसो ३ बजेबाट सुरु हुनेछ ।