१७ लाख बढीको कपडा बरामद

जनकपुरधाम : सिरहा प्रहरीले लाखौं रुपैयाँको मालसामान बरामद गरेको छ । बुधवार दिउँसो सिरहाको कर्जनहा-३ बन्दीपुरस्थित चेकप्वाईन्टमा चेकजाँचको क्रममा बिलमा शंका लागेपछि १७ लाख २६ हजार रुपैयाँ लताकपडासहितका मालसामान नियन्त्रण लिएको हो ।

नियन्त्रणमा लिइएका कपडासहित पिकअप भ्यान आवश्यक अनुसन्धानको लागि बुधवार नै राजश्व अनुसन्धान विभाग पथलैया पठाइएको सिरहाका प्रहरी नायब उपरिक्षक शालिग्राम शर्माले जनाएको छ ।

पुर्व पश्चिम राजमार्गमा पुर्वबाट पश्चिम तर्फ आइरहेको पिकअप भ्यानलाई चेकजाँच गर्दा स्वस्तिका टे्डर्स एण्ड सप्लायर्स बिराटनगर–१४ को नाममा रहेको अनलाईन बिलपुर्जी शंकास्पद रहेको पाइएपछि नियन्त्रणमा लिइएको उनले बताए ।

पिकअप भ्यानमा सुति साडी, कढाई साडी, वायललगायत १७ लाखभन्दा बढी मूल्य बराबरको ३५ वटा पोकासहितको लताकपडा भ्यानसमेत आवश्यक अनुसन्धानको राजश्व कार्यालय पठाइएको उनले बताए ।