केशव दुलालले राजेश बज्राचार्यलाई डामेपछि शंकर पोखरेलको प्रतिक्रिया : आफूले काँक्रो चोरेर किसानको अनुहारमा बियाँ टाँसे

फाइल तस्बिर

काठमाडौँ- नेकपा एमालेका महासचिव शंकर पोखरेलले नक्कली भुटानी शरणार्थी प्रकरण सत्तास्वार्थका लागि गरिएको लज्जास्पद नाटक भएको बताएका छन् । सामाजिक सञ्जालमा लेख्दै महासचिव पोखरेलले सत्तास्वार्थका लागि गरिएको यो लज्जास्पद नाटकको एक दिन पटाक्षेप हुने बताएका छन् ।

'सत्तास्वार्थका लागि गरिएको यो लज्जास्पद नाटकको एक दिन पटाक्षेप हुनेनै छ' उनले लेखेका छन् ।

त्यस्तै उनले काँक्राचोरले काँक्रा आफुले खाएर बियाँ सोझा गाउँले किसानको अनुहारमा टासिदिएर चोरको आरोप लगाएजस्तो बनाइएको आरोप लगाए । 'काक्राँचोरले काँक्रा आफुले खाएर बियाँ सोझा गाउँले किसानको अनुहारमा टासिदिएर चोरको आरोप लगाएजस्तो बनाइएछ' महासचिव पोखरेलले लेखेका छन् ।

नक्कली भुटानी शरणार्थी प्रकरणमा पक्राउ परेका केशवप्रसाद दुलालले आफूले २०७६ असारमा तत्कालीन प्रधानमन्त्री केपी शर्मा ओलीका प्रमुख स्वकीय सचिव राजेश बज्राचार्यलाई १ करोड रुपैयाँ दिएको बयान दिएका थिए ।