'बुलाकी' निर्देशक लक्ष्मणको निर्देशनमा 'फनफनी'मा आर्यन

काठमाडौँ - बुलाकी निर्देशक लक्ष्मण सुनारको निर्देशनमा नयाँ सिनेमा 'फनफनी' निर्माण हुने भएको छ ।कमेडी तथा पारिवारिक कथामा निर्माण हुने सिनेमालाई हरिमल्ल ठकुरी र गणेश मल्ल ठकुरी  मिलेर निर्माण गर्दैछन् ।

आगामी तिहारपछि फ्लोरमा जाने सिनेमामा अभिनेता आर्यन अधिकारी अनुबन्धित भएका छन् । बाँकी कलाकार छनोटको क्रममा रहेको निर्माण टिमले जनाएको छ । सिनेमाको सम्पूर्ण कलाकार / प्राविधिक फाइनल गरेर औपचारिक निर्माण घोषणाको तयारी भैरहेको निर्माण टिमले जनाएको छ ।

सिनेमाको छायांकन नेपाल, भारत र अस्ट्रेलियामा गरिनेछ । अमेरिकामा बस्दै आएका आर्यनले गत साल 'लाखे'मा अभिनय गरेका थिए । कलाकारको जम्बो टोली र खर्चिलो मेकिङ हुँदाहुँदै पनि फिल्म बक्स अफिसमा असफल मानिएको थियो ।