स्वर्गद्वारी दर्शन गरेर फर्केको जिप भिङ्रीमा दुर्घटना

बुटवल- प्युठानको स्वर्गद्वारी दर्शन गरेर फर्केको जिप दुर्घटना हुँदा केही यात्रु घाइते भएका छन् । जिपमा चालकसहित ८ जना सवार थिए । उनीहरू गम्भीर घाइते रहेकाे र मानवीय क्षतिसमेत भएकाे हुनसक्ने प्रहरीकाे आशंका छ ।

लु १ च ६३४५ नम्बरको ८ जना सवार गाडी स्वर्गद्वारी दर्शन गरी फर्किँदै गर्दा स्वर्गद्वारी नपा- ४ उपल्लो भिङ्रीमा अनियन्त्रित भई दुर्घटना भएको हो ।
स्थानीयका अनुसार घटनामा परेकाे गाडीमा सवार ८ जना एकै ठाउँका हुन् । प्रहरीले मृत्युको पुष्टि नगरे पनि सबैलाई अस्पताल पठाउन थालेको र अवस्था छुट्याउन नसक्ने रहेको जनाएको छ ।

दाङको लमही-५ बाट स्वर्गद्वारी पुगेको गाडीमा सवारहरूको पहिचान खुल्न नसकेको प्रहरीले जनाएको छ । आठ जनाकै अवस्था गम्भीर रहेकाे छ ।