एएफसी कप छनोटः मछिन्द्रले भुटानी क्लबसँग खेल्ने

काठमाडौँ- एएफसी कप छनोटअन्तर्गत नेपालका मछिन्द्र फुटबल क्लबले पहिलो खेल भुटानी क्लबसँग खेल्ने भएको छ । सहिद स्मारक ‘ए’ डिभिजन फुटबल लिगमा उपविजेता बनेको मछिन्द्रले भुटानको पारो एफसीसँग खेल्ने अखिल नेपाल फुटबल संघ (एन्फा) ले जनाएको छ ।

मछिन्द्र र पारोबीचको खेल अगस्ट ८ मा हुने भएपनि खेल स्थलको भने टुंगो लागेको छैन । एएफसी क्लब लाइसेन्सिङ प्राप्त गरेका कारण मछिन्द्र लिगको उपविजेता बनेपनि एएफसी कपको छनोट खेल्न पाएको हो ।

गत संस्करणको छनोटमा पनि मछिन्द्रले सहभागिता जनाएको थियो । तर श्रीलंकाको ब्लुस्टारसँग पराजित हुन पुगेको थियो ।