साँफे-मार्तडी सडक खण्ड पहिरोका कारण अवरुद्ध

कैलाली । हरेक वर्षझैँ यो वर्षपनि वर्षा सुरु भएसँगै बाजुरा जिल्ला जोड्ने सडक अवरुद्ध भएको छ । साँफे-मार्तडी सडक खण्ड पहिरोका कारण अवरुद्ध भएको छ।

प्रहरी राजमार्ग सुरक्षा तथा ट्राफिक व्यवस्थापन कार्यालय अत्तरियाका अनुसार बाजुराको बुढीगंगा नगरपालिका १ मा पहिरोका कारण सडक अवरुद्ध भएको हो। 

अवरुद्ध सडक खुलाउनका लागि हेवि ईक्युपमेन्ट डिभिजन कार्यालयले प्रयास गरिरहेको प्रहरीले जानकारी दिएको छ ।