चेक अनादार र बाउन्सको मुद्दा अब जिल्ला अदालतबाटै फर्छ्यौट हुन्छ : मन्त्री गुरुङ

काठमाडौँ– कानुन, न्याय तथा संसदीय मामिला मन्त्री धनराज गुरुङले चेक अनादर र चेक बाउन्सको मुद्दा अब जिल्ला अदालतबाटै फर्छ्यौट हुने बताएका छन् । मंगलबार प्रतिनिधिसभाको दोस्रो बैठकमा बोल्दै उनले त्यसो भनेका हुन् ।

‘बैंकिङ्ग कसुर तथा सजाय ऐन,२०६४ अन्तर्गतको चेक अनादर, चेक बाउन्ससम्बन्धी मुद्दा उच्च अदालतको वाणिज्य इजलासबाट कारबाही किनारा भइरहेको छ,' उनले भने, 'अब त्यस्तो मुद्दा सम्बन्धित जिल्ला अदालतबाट किनारा गर्ने व्यवस्था मिलाइएको छ ।’

यसबाट न्याय पहुँचमा सहज हुने र उच्च अदालत तथा सर्वोच्च अदालतमा मुद्दाको बोझ कम हुने मन्त्री गुरुङले बताए ।