अर्जेन्टिना र बार्सिलोनाका पूर्व प्रशिक्षक मार्टिनो इन्टर मियामीको प्रशिक्षक नियुक्त

काठमाडौँ- अर्जेन्टिना राष्ट्रिय फुटबल टिम तथा स्पेनिस क्लब बार्सिलोनाका पूर्व मुख्य प्रशिक्षक जेरार्डो मार्टिनो अमेरिकी क्लब इन्टर मियामीको मुख्य प्रशिक्षक नियुक्त भएका छन् । 

मार्टिनोको प्रशिक्षणमा  अर्जेन्टिनी फुटबल स्टार लियोनल मेस्सीले यसअघि बार्सिलोना तथा अर्जेन्टिनाबाट खेलिसकेका छन् । 

आउँदो महिना मेस्सी अमेरिकाको मेजर सकर लिग क्लब मियामीमा आउनुअघि नै क्लबले मार्टिनोलाई मुख्य प्रशिक्षक नियुक्त गरेको अल-जजिराले जनाएको छ ।

मेस्सीलाई सहयोग गर्ने उदेश्यले नै मियामीले अर्जेन्टिनाको पूर्व फुटबलर मार्टिनोलाई प्रशिक्षक नियुक्त गरिएको विश्लेषण गरिएको छ ।