चेल्सीले भित्र्यायो भिल्लारियलका फरवार्ड ज्याक्सन

काठमाडौँ- इंग्लिस क्लब चेल्सीले स्पेनिस क्लब भिल्लारियलका फरवार्ड निकोलास ज्याक्सनलाई भित्र्याएको छ । चेल्सीले सिनेगलका २२ वर्षीय फरवार्ड ज्याक्सनलाई ८ वर्षका लागि भित्र्याएको हो ।

ज्याक्सनले गत सिजन ला लिग क्लब भिल्लारियलका लागि ३८ खेल खेल्दै १३ गोल गरेका थिए । उनले ला लिगामा अन्तिम ८ खेलमा ९ गोल गरेका थिए ।

चेल्सीले ज्याक्सनका लागि कति रकम तिरेको खुलासा नभएपनि ३२ मिलियन पाउन्डमा सम्झौता भएको बताइएको छ ।