राष्ट्रियसभाको बैठक सोमबार, यस्तो छ सम्भावित कार्यसूची

फाइल तस्बिर

काठमाडौँ- संघीय संसद् अन्तर्गत राष्ट्रिय सभाको बैठक सोमबार बस्ने भएको छ । बैठक संघीय संसद् भवन नयाँ बानेश्वरमा सोमबार दिउँसो १:०१ बजे बस्ने भएको हो । 

संघीय संसद् सचिवालयका अनुसार बैठकमा राष्ट्रिय सभाका अध्यक्ष गणेशप्रसाद तिमिल्सेनाले प्रधानमन्त्री तथा मन्त्रिपरिषद्को कार्यालयबाट प्राप्त मन्त्रिपरिषद् सदस्यहरूको कार्यभार तोकिएको सम्बन्धी पत्रहरूको ब्यहोरा जानकारी गराउनेछन् । 

यस्तै विनियोजन विधेय २०८० माथि मन्त्रालयगत छलफल हुनेछ ।  जसमध्ये वन तथा वातावरण, महिला तथा बालबालिका, युवा तथा खेलकुद, सहरी विकास र उद्योग वाणिज्य तथा आपूर्ति मन्त्रालयको शीर्षकमाथि छलफल हुनेछ । 

शिक्षा विज्ञान तथा प्रविधिमन्त्री अशोक राईले विधायन व्यवस्थापन समितिको प्रतिवेदनसहित नेपाल विश्वविद्यालय विधेयक २०७९ माथि छलफल गरियोस् भन्ने प्रस्ताव प्रस्तुत गर्ने कार्यसूची रहेको संसद् सचिवालयले जनाएको छ ।