२४ घण्टामा थपिए १९४५ संक्रमित, २२ जनाको मृत्यु

काठमाडौं : पछिल्लो २४ घण्टामा एक हजार ९ सय ४५ जनामा कोभिड–१९ को संक्रमण पुष्टि भएको छ । योसँगै नेपालमा कोभिड संक्रमितको संख्या दुई लाख १६ हजार ९ सय ६५ पुगेको स्वास्थ्य तथा जनसंख्या मन्त्रालयले जनाएको छ । 

आज देशभर २४ हजार ६ सय ६५ जना सक्रिय संक्रमित छन् । पछिल्लो २४ घन्टामा २२ जना कोभिड संक्रमितको मुत्यु भएको मन्त्रालयले जनाएको छ ।  योसँगै नेपालमा कोभिड संक्रमणबाट मृत्यु हुनेको संख्या एक हजार दुई सय ९८ जना पुगेको छ ।

मन्त्रालयका अनुसार शुक्रबार पाँच हजार ३ सय ६४ जना संक्रमणमुक्त भएका छन् । योसँगै एक लाख ९१ हजार २ जना संक्रमणमुक्त भएको मन्त्रालयले जनाएको छ ।
क्वारेन्टाइनमा रहेका व्यक्तिहरुको संख्या सात सय ५३ जना रहेको मन्त्रायले जनाएको छ । पछिल्लो २४ घण्टामा १० हजार ३ सय ४० जनाको पीसीआर परीक्षण गरिएको छ ।