मपान्जु एउटै क्लबबाट इंग्लिस फुटबलको शीर्ष पाँच डिभिजन खेल्ने पहिलो खेलाडी

काठमाडौँ- इंग्लिस क्लब लुटन टाउन एफसीका पेली रुडाँक मपान्जु एउटै क्लबबाट इंग्लिस फुटबलको शीर्ष पाँच डिभिजन खेल्ने पहिलो खेलाडी बन्ने भएका छन् ।

२९ वर्षीय मिडफिल्डर मपान्जुले लुटनलाई इंग्लिस फुटबलको पाचौँ डिभिजन (कन्फरेन्स प्रिमियर) बाट इंग्लिस प्रिमियर लिग पुर्‍याउन मदत गरेका थिए ।

वेम्बली स्टेडियममा च्याम्पियनसिप प्लेअफको फाइनलमा कभेन्ट्री सिटीलाई पेनाल्टीमा हराएपछि लुटन टाउनले पहिलो पटक प्रिमियर लिग खेल्न लागेको हो । ३१ वर्षको अनुपस्थितिपछि लुटन इंग्ल्यान्डको शीर्ष डिभिजनमा फर्किएको हो ।

कंगोको राष्ट्रिय टिमबाट खेल्ने गरेका मपान्जुले लुटनसँग नयाँ सम्झौतामा हस्ताक्षर गरेसँगै प्रिमियर लिगमा पहिलो खेल खेल्दा उनी एउटै क्लबबाट इंग्लिस फुटबलको शीर्ष पाँच डिभिजनमा खेल्ने पहिलो व्यक्ति बन्ने छन् ।

मपान्जुले लुटनबाट लगातार एघारौँ सिजन फुटबल खेल्न लागेका हुन् ।