फिफा विश्वकपः स्विट्जरल्यान्डको विजयी सुरुवात

काठमाडौँ- फिफा महिला विश्वकप फुटबलअन्तर्गत स्विट्जरल्यान्डले विजयी सुरुवात गरेको छ ।

समूह ‘ए’ अन्तर्गत न्यूजिल्यान्डको डुनेडिन स्टेडियममा आज भएको खेलमा स्विट्जरल्यान्डले फिलिपिन्सलाई २-० ले पराजित गरेको हो ।

स्विट्जरल्यान्डलाई जित दिलाउन रामाना बाचमान र सेराइना पिउबेलले एक-एक गोल गरे ।

बाचमानले ४५ औँ मिनेटमा पेनाल्टीमार्फत गोल गर्दै स्विट्जरल्यान्डलाई अग्रता दिलाएकी थिइन् ।

पिउबेलले ६४ औँ मिनेटमा स्विट्जरल्यान्डको अग्रता दोब्बर बनाइन् ।

बिहीबार भएको यस समूहको पहिलो खेलमा न्यूजिल्यान्डले नर्वेलाई पराजित गरेको थियो ।