दाङमा १४ वर्षीया बालिका बलात्कृत

फाइल तस्बिर

बुटवल- ७३ वर्षीया वृद्धा बलात्कृत भएको घटना सेलाउन नपाउँदै दाङको तुलसीपुरमा बलात्कारको अर्को घटना सार्वजनिक भएको छ । १४ वर्षीया बालिका बलात्कृत भएको घटना सार्वजनिक​ भएकाे दाङ प्रहरीले जनाएको छ ।

घटनामा संलग्न रहेको आरोपमा प्रहरीले स्थानीय २३ वर्षीय विनोद वलीलाई पक्राउ गरेको छ । इलाका प्रहरी कार्यालय तुलसीपुरका प्रहरी निरीक्षक पर्वत केसीका अनुसार वलीले बालिकालाई घरनजिकैको मकैबारीमा बोलाई बलात्कार गरेकाे आरोप छ ।

बलात्कारपछि अचेत अवस्थामा बालिकालाई उनकी आमाले भेटाएकी थिइन् । अहिले बालिकाको अवस्था सामान्य रहेको र वलीलाई पक्राउ गरी अनुसन्धान थालिएको प्रहरीले जनाएको छ ।

केही दिनअघि मात्रै तुलसीपुरमा ७३ वर्षीया वृद्धा र ११ वर्षीया बालिका बलात्कृत भएका थिए । तुलसीपुरमा पछिल्लो समय बलात्कारका घटना बढिरहेका छन् ।