पीएसजीले बराबरी खेल्दा एमबाप्पेले मैदान बाहिरबाट हेरेर बसिरहे

काठमाडौँ- फ्रेन्च लिग वानअन्तर्गत पहिलो खेलमा साविक विजेता पेरिस सेन्ट जर्मेन (पीएसजी) ले लोरियन्टसँग बराबरी खेलेको छ ।

शनिबार राति भएको खेलमा पीएसजीले कायलियन एमबाप्पे र नेयमारलाई मैदानमा बाहिरै राखेको थियो ।

तर पीएसजीले लोरियन्टविरुद्ध गोलरहित बराबरी खेल्दा एमबाप्पे भने दर्शक बनेर खेल हेरिरहेका थिए ।

एमबाप्पे र नेयमार अन्य क्लब जाने चर्चा चलिरहँदा पीएसजीमा उनीहरुको भविष्य अनिश्चित बनेको छ ।