ताप्लेजुङमा छोराले गरे आमाको हत्या

ताप्लेजुङ- मैवाखोला गाउँपालिका–५ फाकुम्वाका एक युवकले आमाको हत्या गरेका छन् । ३३ वर्षीय डिल्लीकुमार लिम्बूले आमा धनमाया लिम्बूको धारिलो हतियार (बाम्फोक) प्रहार गरी हत्या गरेको प्रहरीले जनाएको छ ।

अभियुक्त डिल्लीकुमारलाई बाम्फोकसहित प्रहरीले नियन्त्रणमा लिएको र आवश्यक अनुसन्धान सुरु गरिएको प्रहरी निरीक्षक एवं सूचना अधिकारी कुशराम कार्कीले बताए ।

हत्याको कारण भने खुल्न नसकेको प्रहरीले जनाएको छ । सोमबार बिहान साढे १० बजे हत्या भए पनि स्थानीयले मध्याह्न १२ बजे सााघु प्रहरी चौकीमा खबर गरेका थिए ।