कोशीका मुख्यमन्त्री उद्धव थापाले पाए विश्वासको मत

काठमाडौँ- कोशीका मुख्यमन्त्री उद्वव थापाले सोमबार विश्वासको मत पाएका छन् । प्रदेशकाे सभाध्यक्ष गरिरहेका सांसद इस्राइल मन्सुरी समेतको मतबाट थापाले विश्वासकाे मत पाएका हुन् ।

उपसभामुख सिर्जना दनुवारले बैठकको अध्यक्षता गर्ने दिन बिरामी भएको सूचना दिएर बैठक सञ्चालनका लागि मन्सुरीलाई अधिकार प्रत्यायोजन गरेकी थिइन् ।

उपस्थित ७७ जना रहेकोमा थापाको पक्षमा ४७ र विपक्षमा ३० मत परेको थियो ।